ᐱᕕᑭᑦᑐᑎᑕᐅᔪᓪᓗ ᐅᓯᔭᐅᒋᐊᖃᖕᖏᑐᓪᓗ ᓱᓇᑐᐃᓐᓀᑦ
ᒪᓕᑦᑕᐅᓗᑯᐊᐱᒋᐊᓖᑦ ᐃᑭᑎᑕᐅᒍᓐᓇᑐᓄᑦ ᖃᖓᑦᑕᔫᓄᑦ/ᑎᒻᒥᔫᓄᑦ ᒪᓕᒐᓕᐅᕐᑕᐅᓯᒪᐅᑏᑦ ᐊᑑᑎᔭᐅᓗᑎᒃ ᑭᓯᐊᓂᐅᕗᑦ.
ᑐᑭᓯᑎᑦᓯᒋᐊᓪᓚᕈᑎᑦᓭᑦ ᖃᐅᔨᒪᔭᐅᒋᐊᓕᓕᒫᓂᒃ ᐅᓗᕆᐊᓇᕐᓲᑎᒃ ᓱᒋᐊᕐᓂᒍᑎᐅᒍᓐᓇᑐᐃᑦ ᓴᒃᑯᐃᓗᓐᓃᑦ, ᐊᒻᒪᓗ ᐃᑭᑎᑕᐅᕐᖃᔭᖕᖏᑑᑦᓱᑎᒃ ᐊᓪᓚᑕᐅᓯᒪᔪᐃᑦ ᓱᓇᑐᐃᓐᓀᑦ ᐊᒻᒪᓗ ᐊᑦᑕᓇᕐᑐᐃᑦ ᒪᓕᒐᓕᐅᕐᑕᐅᓯᒪᑦᓯᐊᒪᑕ ᒪᓕᑦᑕᐅᓯᐊᕆᐊᖃᕐᐳᑦ.
ᖁᑭᐅᑏᑦ ᓴᒃᑯᐃᓗ
ᐃᓄᐃᑦ ᖃᖓᑦᑕᔫᖁᑎᖏᑦᑎᒎᕐᑐᐃᑦ ᐊᐅᓪᓚᑎᑦᓯᒍᓐᓇᑐᑦ ᖁᑭᐅᑎᓂᒃ ᓴᒃᑯᓂᓪᓗ, ᐊᑑᑎᔭᐅᒋᐊᖃᓪᓚᕆᑦᓱᑎᒃ ᒪᓕᒐᕐᓂᒃ ᒪᓕᑦᓯᐊᓚᐅᕈᑎᒃ ᐊᑦᑕᓇᕐᑐᒦᒋᐊᖃ1ᖕᖏᓃᑦ ᐱᑦᔪᑕᐅᑎᓪᓗᒋᑦ.
ᐱᒻᒪᕆᓐᓂᒃ ᐃᕐᙯᑎᑦᓯᒋᐊᕈᑎ: ᐊᐅᓪᓚᓚᖓᔪᐃᑦ ᖃᖓᑦᑕᔫᒃᑯᑦ/ᑎᒻᒥᔫᒃᑯᑦ ᖁᑭᐅᑎᒡᒋᓗᑎᒃ, ᓴᒃᑯᓂᒃ ᐅᕝᕙᓘᓐᓃᑦ ᓴᒃᑯᖃᐅᑎᓂᒃ, ᑕᒪᒃᑯᓂᖓ ᓇᓪᓕᐊᓂᑐᐃᓐᓇᖅ ᓇᑦᓴᓚᖓᔭᒥᓂᒃ ᐊᓪᓚᑕᐅᑎᑦᓯᒋᐊᓖᑦ ᐃᑭᒍᑌᕐᑎᓯᕕᒻᒥ ᐊᒻᒪᓗ ᐊᓪᓚᕕᑦᓴᔭᒥ ᐊᓪᓚᑕᐅᒋᐊᓕᓕᒫᑦ ᐱᔭᕆᑦᓯᐊᓗᒋᑦ ᐊᓪᓚᑕᐅᓯᒪᒋᐊᖃᕐᓱᑎᒃ.
ᖁᑭᐅᑏᑦ ᓴᒃᑯᐃᓗ ᑖᒃᑯᑐᐊᑦ ᐃᑦᓯᕕᓐᓂᒍᓐᓇᑐᑦ/ᐃᕐᓯᕕᓐᓂᒍᓐᓇᑐᑦ ᐃᑭᒍᑌᕐᓯᕕᒃᑰᓗᑎᒃ ᐊᒻᒪᓗ ᐃᒣᓕᖓᑐᐊᕈᑎᒃ ᑭᓯᐊᓂ:
- ᐃᓗᓪᓕᓯᒪᒍᓐᓀᓗᑎᒃ ᓴᒃᑯᓂᒃ
- ᐴᕐᓯᒪᑦᓯᐊᓗᑎᒃ ᐊᑦᓱᖏᕐᓯᒪᓗᑎᒃ/ᐸᓓᕐᓯᒪᓗᑎᒃ, ᐃᓗᓕᒥᓂᒃ ᓄᐃᑕᕿᑎᑦᓯᖏᑦᑐᒥᒃ ᐴᖃᓗᑎᒃ ᐅᕝᕙᓘᓐᓃᑦ ᕿᕋᑕᔫᓗᑎᒃ ᐴᖏᑦ
- ᓯᒃᑭᑐᐃᓐᓇᕆᐊᖃᕈᓐᓀᓗᑎᒃ ᐲᑐᐃᓐᓇᕆᐊᖃᖕᖏᑐᒥᒃ ᐊᓱᖏᕐᓯᒪᐅᑎᖃᕐᓗᑎᒃ/ᐸᓓᕐᓯᒪᐅᑎᖃᕐᓗᑎᒃ
ᖁᑭᐅᑏᑦ ᓴᒃᑯᖏᑦ ᐃᒫᕐ ᐸᕐᓀᑕᐅᓯᒪᒋᐊᓖᑦ:
- ᐴᕐᓯᒪᑦᓯᐊᓗᑎᒃ ᖁᑭᐅᑎᒥᒃ ᐴᕐᓯᒪᑎᖃᕆᐊᖃᖕᖏᑐᑦ
- ᓇᑦᓴᑕᐅᓕᕈᑎᒃ ᐊᓕᓯᓇᐅᖕᖏᑐᒥᒃ ᐴᖃᕆᐊᓖᑦ ᐊᒻᒪᓗ ᐃᓄᐃᑦ ᐊᑐᓂ 5 ᑯᓗᑯᔮᒻ (11-ᓂᒃ ᐅᖁᒣᓐᓃᑦ) ᐅᖓᑖᓄᖕᖏᑐᖅ ᐅᖁᒣᓐᓂᓂᒃ ᐊᑦᔭᓯᒍᓐᓇᑐᖅ ᓴᒃᑯᓂᒃ
- ᐱᑖᕆᔭᐅᑦᓱᑎᒃ ᐴᕕᓂᕐᒥᓂᒃ ᐴᖃᕆᐊᓖᑦ ᐅᕝᕙᓘᓐᓃᑦ ᓇᓪᓕᖁᐊᖓᓂᒃ ᐴᖃᕆᐊᓖᑦ
ᑐᑭᓯᒋᐊᒃᑲᓂᕈᒪᔪᑦ ᖁᑭᐅᑏᑦ ᓴᒃᑯᐃᓗ ᒪᓕᒐᖃᕐᑎᑕᐅᒍᑎᐅᓂᖏᑦᑕ ᒥᑦᓵᓄᑦ, ᖃᐅᔨᒋᐊᕕᖃᕈᓐᓇᑐᑦ ᐃᓕᒪᓇᕐᑐᒨᕆᒍᑎᐅᑐᐃᓐᓇᕆᐊᓕᓐᓂᒃ ᐱᑦᔪᔨᕕᑦᑕ ᐊᑕᐅᑦᓯᑰᕐᓯᔨᖓᓂᒃ ᐅᖄᓚᕕᒋᓗᒍ ᐅᓇ 1 800 361-5933 ᐅᕝᕙᓘᓐᓃᑦ ᖃᕆᑕᐅᔭᑎᒍᑦ ᐊᓪᓚᕕᒋᓗᒍ.
ᐅᓯᓕᕐᑕᐅᑎᑕᐅᓂᐅᔭᖕᖏᑐᑦ ᐊᒻᒪᓗ ᐃᓕᒪᓇᕐᑐᒨᕆᒍᑎᐅᑐᐃᓐᓇᕆᐊᓖᑦ
ᑕᑲᒃᑯᐊ ᓱᓇᐅᓂᖏᑦ ᐊᓪᓚᑕᐅᓯᒪᔪᑦ ᑎᒍᒥᐊᒐᕐᒦᑎᓪᓗᒋᑦ ᓇᑦᓴᑕᐅᕐᖃᔭᖕᖏᑐᑦ ᐅᕝᕙᓘᓐᓃᑦ ᐃᑦᓯᕕᒋᔭᐅᔪᒦᕐᖃᔭᕋᑎᒃ/ᐃᕐᓯᕕᒋᔭᐅᔪᒦᕐᖃᔭᕋᑎᒃ ᐊᑦᑕᓇᖕᖏᑐᒦᒋᐊᖃᕐᓃᑦ ᐱᑦᔪᑎᒋᔭᐅᑎᓪᓗᒋᑦ:
-
- ᐳᓪᓚᓖᑦ, ᐃᑯᐊᓪᓚᑐᐃᓐᓇᕆᓖᑦ ᐅᕝᕙᓘᓐᓃᑦ ᑐᖁᓐᓇᑐᕐᑕᖃᕐᓱᑎᒃ ᑳᓴᓖᑦ
- ᓄᖑᑎᕆᒍᓐᓇᑐᑦ ᐊᐅᑎᕆᓗᑎᒃ ᓱᓇᑐᐃᓐᓇᓂᒃ, ᐅᑦᑑᑎᒋᓗᒋᑦ ᐃᑯᒪᐅᑏᑦ ᐃᒪᑦᓴᔭᖏᑦ
- ᖁᐱᕐᕈᑯᓗᐃᑦ, ᖃᓂᒪᓐᓀᑦ ᐊᓯᖏᓪᓗ ᐁᑦᑐᑐᑎᐅᒍᓐᓇᓱᑎᒃ ᖃᓂᒻᒪᓯᕐᑖᕈᑎᐅᒍᓐᓇᑐᑦ
- ᖄᔫᑦ ᖃᐅᑎᕆᒍᑎᐅᓲᑦ, ᖁᒻᒧᐊᔫᕈᑏᑦ ᐊᒻᒪᓗ ᐃᑭᑕᐅᓲᒍᑦᓱᑎᒃ ᖃᐅᔨᓵᕆᒍᑏᑦ
- ᐃᑯᐊᓪᓚᓴᐅᑏᑦ ᐅᕝᕙᓘᓐᓃᑦ ᐃᑯᐊᓪᓚᑕᐅᓲᒍᑦᓱᑎᒃ ᓯᑎᔪᔦᑦ, ᐅᕐᖂᓯᓴᐅᑎᓄᑦ/ᐸᕐᖄᕈᑎᓄᑦ ᐅᕐᓱᐊᓗᐃᑦ, ᒥᖑᐊᕈᑏᑦ ᐅᕝᕙᓘᓐᓃᑦ ᐃᑯᐊᓪᓚᕈᐊᑐᐃᑦ
- ᖃᑯᕐᓯᓕᐅᑏᑦ ᐳᐃᑦᔪᕋᕐᕕᓂ ᖁᐱᕐᕈᑕᖃᕆᒃᑯᑎᐅᓲᑦ ᐊᒻᒪᓗ ᑭᓪᓕᓄᑦ ᖁᐱᕐᕆᒋᒃᑯᑎᐅᓲᑦ
- ᑐᖁᓐᓇᑐᐃᑦ
- ᓱᒃᑯᓇᕐᑑᓱᑎᒃ ᐆᑦᑎᕆᒍᑎᑦᓴᔦᑦ
- ᐅᑯᐊ ᐃᑯᒪᓕᐅᕈᑏᑦ ᐊᑐᕐᑕᐅᕆᐊᖃᖕᖏᓂᕋᕐᑕᐅᓯᒪᔪᑦ ᑲᓇᑕᒥ ᐃᓗᓯᓕᕆᔨᒃᑯᓄᑦ ᐊᒻᒪᓗ ᐃᓄᐃᑦ ᖃᖓᑦᑕᔫᖏᓐᓂ ᓇᑦᔭᑕᐅᒋᐊᖃᕋᑎᒃ:
- Anker chargers: Models A1647 and Zolo A1681 & A1689 sold on Amazon.ca — ᐊᑐᕐᑕᐅᕆᐊᖃᖕᖏᓂᕋᕐᑌᑦ ᐃᑯᐊᓪᓚᕈᓐᓇᒪᑕ
- iStore Branded Magnetic Wireless Power Banks 5000 mAH — ᐊᑐᕐᑕᐅᕆᐊᖃᖕᖏᓂᕋᕐᑌᑦ ᐆᑦᓯᑐᐃᓐᓇᕆᐊᖃᕐᒪᑕ
- ESR HaloLock wireless power bank —ᐊᑐᕐᑕᐅᕆᐊᖃᖕᖏᓂᕋᕐᑌᑦ ᐃᑯᐊᓪᓚᕈᓐᓇᒪᑕ
- ᐊᓯᖏᓪᓗ ᓱᒃᑯᕈᑎᐅᒍᓐᓇᑐᑦ ᐅᑦᑑᑎᒋᓗᒋᑦ ᓴᕕᕋᔭᑦᓴᔭᐅᑦᓱᑎᒃ ᐃᒣᑦ, ᓂᐱᑦᑕᑐᐃᑦ ᐅᕝᕙᓘᓐᓃᑦ ᓱᓇᑐᐃᓐᓀᑦ ᐃᓱᐃᓪᓘᓚᕿᐅᑎᐅᒍᓐᓇᑐᑦ ᐅᕝᕙᓘᓐᓃᑦ ᒪᒪᖕᖏᑐᓂᒃ ᑎᐸᓖᑦ
ᖃᐅᔨᒪᒋᑦᓯ ᐃᓄᐃᑦᑯᑦ ᐅᓯᕐᖃᔭᖕᖏᒪᑕ ᒥᑭᔫᑦᓱᑎᒃ ᐃᑯᒪᐅᑎᒨᕐᓱᑎᒃ ᐃᖏᕐᕋᐅᑎᖕᖑᐊᓂᒃ ᐃᑦᓯᕕᒻᒥᐅᑕᐅᑎᓪᓗᒋᑦ ᐅᕝᕙᓗᓘᓐᓃᑦ ᑎᒍᒥᐊᕐᑕᐅᓗᑎᒃ ᖃᖓᑦᑕᔫᒧᑦ. ᒥᑭᔫᑦᓱᑎᒃ ᐃᑯᒪᐅᑎᒨᕐᓱᑎᒃ ᐃᖏᕐᕋᐅᑎᖕᖑᐊᑦ ᐊᐅᓪᓚᑎᑕᐅᒍᓐᓇᓱᑎᒃ ᐃᑦᓯᕕᑦᑕᑎᒃᑯᑦ ᐳᕐᑐᓯᒪᒋᐊᓖᑦ ᒪᓕᓪᓗᑎᒃ ᑲᓇᑕᒥ ᐅᑦᓯᔭᐅᓂᕐᒧᑦ ᒪᓕᒐᕐᓂᒃ TDG/ICAO/IATA ᒪᓕᒐᓕᐊᕆᓯᒪᔭᖏᑦ.
ᒥᑭᔫᑦᓱᑎᒃ lithium-ᒍᓂᕋᕐᑕᐅᔪᓂᒃ ᐃᑯᒪᐅᑎᖃᓲᑦ ᐃᖏᕐᕋᐅᑎᐅᓲᒍᑦᓱᑎᒃ ᐃᓚᖏᑦ ᐅᑯᐊ:
- Hoverboards
- Electric Bicycles
- Electric Skateboards/Scooters
- Mini-Segways
- Balance Wheels
ᒐᓛᒃ ᐱᑦᔪᑎᖃᕐᒥᑎᓪᓗᒋᑦ, ᓱᓇᑐᐃᓐᓀᑦ ᐃᓚᖏᑦ ᑎᒍᒥᐊᒐᕐᒦᑎᓪᓗᒋᑦ ᓇᑦᓴᑕᐅᒍᓐᓇᖏᒻᒥᔪᑦ ᖃᖓᑦᑕᔫᒧᑦ/ᑎᒻᒥᔫᒧᑦ, ᑭᓯᐊᓂ ᐃᑦᓯᕕᓐᓄᑦ/ᐃᕐᓯᕕᓐᓄ ᑐᕐᖁᓯᒪᒍᓐᓇᕋᓗᐊᕐᓱᑎᒃ. ᐱᓀᓗᑦᓯᖁᓇᓯ ᐊᑦᑕᓇᕐᑐᒦᑦᑎᓯᑦᑌᓕᓂᕐᒧᑦ ᑲᒪᓇᓱᑦᑎᓂᒃ ᐊᕐᖁᓵᓕᕈᑦᓯ, ᐅᓐᓂᑑᑎᖃᕐᐳᒍᑦ ᖃᐅᔨᐊᕐᔨᖃᖁᔨᑦᓱᑕ ᑲᓇᑕᒥᐅᑦ ᖃᖓᑦᑕᔫᓕᕆᓂᕐᒧᑦ ᐊᐅᓚᕈᑎᓕᕆᔨᒻᒪᕇᑦ ᑐᑭᓯᒪᔭᐅᖁᑦᓱᓂᖏᑦ ᖃᕆᑕᐅᔭᒦᑦᑎᐊᖏᓐᓂᒃ ᐊᒻᒪᓗ ᓱᓇᓪᓚᕇᑦ ᖃᖓᑦᑕᔫᒧᑦ/ᑎᒻᒥᔫᒧᑦ ᐃᑭᑎᑕᐅᕐᖃᔭᖕᖏᑑᒻᒪᖔᑕ ᖃᐅᔨᒋᐊᕐᕕᒋᓗᒋᑦ.
ᐊᖏᕐᑕᐅᒍᓐᓇᕕᖃᓚᖓᒍᓂ ᓂᕈᒥᐊᕐᓗᒍ ᐃᑦᓯᕖᑦ ᐃᓄᐃᑦ ᖃᖓᑦᑕᔫᖏᑦᑕ ᐊᐅᓚᓂᖏᓐᓂᒃ, ᓇᓪᓕᑐᐃᓐᓇᖏᑦ ᓯᓚᑖᒍᑦ ᐃᑯᒪᐅᑎᓖᑦ ᐃᒣᑦᑑᒋᐊᓖᑦ:
- ᓲᖑᓂᖏᑦ ᐃᒣᓪᓗᐊᓗᑎᑦ 160 Wh ᐅᕝᕙᓘᓐᓃᑦ ᐃᑭᓐᓂᓴᐅᓗᑎᑦ, ᐆᑦᑑᑎᒋᓗᒋᑦ 14v ᐅᕝᕙᓘᓐᓃᑦ 18v ᓴᓇᕐᕈᑏᑦ ᐃᑯᒪᐅᑎᒨᕐᑐᑦ.
- ᐅᖓᑖᓅᕈᓐᓀᑎᓗᒋᑦ ᒪᕐᕉᓄᑦ ᐃᑯᒪᐅᑏᓐᓄᑦ ᐱᕕᑦᓴᖃᕐᑎᑕᐅᔪᖅ ᑕᒪᒋᒃ ᓲᖑᓂᖃᑐᐊᕐᐸᓃᒃ ᐃᒣᓪᓗᐊᑑᓐᓂᒃ 100 Wh ᐊᒻᒪᓗ 160 Wh, ᐆᑦᑑᑎᒋᓗᒋᑦ 14v ᐅᕝᕙᓘᓐᓃᑦ 18v ᓴᓇᕐᕈᑏᑦ ᐃᑯᒪᐅᑎᒨᕐᑐᑦ.
- ᓴᐴᓗᑦᓯᔭᐅᒪᕆᐊᓖᑦ ᓇᑦᔭᑕᐅᓗᑎᓗ ᓂᕈᒥᐊᕋᓐᓂᑭᓯᐊᓂ — ᐃᑯᒪᐅᑏᑦ ᐃᒻᒥᒎᕐᑐᑦ ᐃᑦᓯᕕᒻᒦᕆᐊᖃᖕᖏᑐᑦ.
ᐃᕐᙯᑎᑦᓯᒋᐊᓪᓚᕈᑎ:
ᐃᑯᒪᐅᑏᑦ ᐃᒻᒥᒎᕐᑐᑦ ᓱᖏᕐᑑᑎᐅᓲᑦ ᑖᒃᑯᐊ ᐃᑯᒪᐅᑏᑦ.
ᐃᓄᐃᑦ ᖃᖓᑦᑕᔫᖏᑦ ᐊᖏᕈᓐᓇᖏᑦᑐᑦ ᐊᑦᑕᓇᕐᑑᕈᓐᓇᑐᓂᒃ ᐊᒥᓲᒍᓐᓇᕋᑎᓗ.
ᐃᓄᐃᑦ ᖃᖓᑦᑕᔫᖏᑦ/ᑎᒻᒥᔫᖏᑦ ᐊᑦᑕᓇᕐᑑᒍᓐᓇᑐᓂᒃ ᐅᓯᓕᓂᐅᔭᖕᖏᓚᑦ ᓱᒐᓗᓗᐊᕐᓱᑎᒃ ᐅᓄᕐᓂᖏᑦ ᐊᒥᓲᓗᐊᕐᑐᓂᒃ.
ᑐᑭᓯᒋᐊᒃᑲᓂᕈᒪᔪᑦ ᖁᑭᐅᑏᑦ ᓴᒃᑯᐃᓗ ᒪᓕᒐᖃᕐᑎᑕᐅᒍᑎᐅᓂᖏᑦᑕ ᒥᑦᓵᓄᑦ, ᖃᐅᔨᒋᐊᕕᖃᕈᓐᓇᑐᑦ ᐃᓕᒪᓇᕐᑐᒨᕆᒍᑎᐅᑐᐃᓐᓇᕆᐊᓕᓐᓂᒃ ᐱᑦᔪᔨᕕᑦᑕ ᐊᑕᐅᑦᓯᑰᕐᓯᔨᖓᓂᒃ ᐅᖄᓚᕕᒋᓗᒍ ᐅᓇ 1 800 361-5933 ᐅᕝᕙᓘᓐᓃᑦ ᖃᕆᑕᐅᔭᑎᒍᑦ ᐊᓪᓚᕕᒋᓗᒍ.
ᖃᖓᑦᑕᔫᒧᑦ/ᑎᒻᒥᔫᒧᑦ ᑎᒍᒥᐊᕐᑕᐅᒍᓐᓇᑐᑦ
ᑕᑯᒋᐊᕐᓗᒋᑦ ᓱᓀᑦ ᐅᓯᓕᐅᑦᔭᐅᒍᓐᓇᓂᕋᕐᑕᐅᔪᑦ.